Moslejimi i Thaçit në varrimin e babit, reagon Haxhiu: Do t’i shkruaj kryetares së Dhomave të Specializuara

22:34 | 17 Mars 2025
E.H

Ministrja e Drejtësisë, Albulena Haxhiu ka thënë do t’i shkruaj kryetares së Dhomave të Specializuara për moslejimin e ish-presidentit Hashim Thaçi të marr pjesë në ceremoninë e varrimit të babit të tij.

Me anë të një postimi në Facebook, Haxhiu tha se ky vendim është i padrejtë ndërsa potencon se proceset gjyqësore duhet të jenë të drejta e të bazuara mbi respektimin e të drejtave më elementare njerëzore.

LEXO EDHE:

Specialja nuk e lejon ish-Presidentin Thaçi të marrë pjesë në varrimin e babait

“Proceset gjyqësore duhet të jenë të drejta e të bazuara mbi respektimin e të drejtave më elementare njerëzore. Nuk ka gjë më njerëzore sesa të marrësh pjesë në varrimin e prindit. Andaj, krejt absurde nga ajo që kuptuam nga mediat se ish-presidentit Thaçi nuk i është dhënë leja për të marrë pjesë në ceremoninë e varrimit të babës. Lidhur me këtë vendim të padrejtë do t’i shkruaj kryetares së Dhomave të Specializuara”, ka shkruar Haxhiu./Arbresh.info